Ma’lumki, mamlakatimizning tog`-kon sanoati tizimiga kiruvchi korxonalarining shaxsiy tarkibini jangovar shayligini oshirish, amaliy va nazariy bilimlarini sinovdan o`tkazish hamda ularda favqulodda vaziyatlarda tezkor harakatlarga doir ko`nikmalarni shakllantirish maqsadida Maxsus taktik o`quv mashg`ulotlari o`tkazilmoqda

          Jumladan, joriy yilning 31-oktyabr sanasida 1-Alohida Harbiylashtirilgan Kon-qutqaruv  vzvodi va “Sharg`unko`mir”AJ jamoasi birgalikda Harbiylashtirilgan Kon-qutqaruv Shtabining 2025 yil 13-yanvardagi №03-sonli buyrug`iga asosan kelishilgan rejaga muvofiq ko`rgazmali Maxsus taktik o`quv mashg`uloti bo`lib o`tdi.

Mashg`ulotda 1-AHKQ Vzvodi shaxsiy va komandirlar tarkibi, “Sharg`unko`mir”AJ “Aktsiyadorlar bilan korporativ munosabatlar” bo`limi boshlig`i – fuqaro muhofazasi bo`yicha mas’ul xodimi X.A.Tashkulov va Sariosiyo tuman FVB 16-KYoKK boshlig`i R.M. Bo`riyev qatnashishdi.

            O`quv taktik texnik mashg`ulotida shartli favqulodda holat yaratilib, “Sharg`unko`mir”AJ konlarida “yong’in sodir bo`lgan ob’yekti”da “jabrlanuvchi”ga birinchi yordam ko`rsatildi, hamda toza havoga chiqarilib, tibbiyot xodimlariga topshirildi.

Shuningdek, o`quv mashg`ulotining yakunida yuz berishi mumkin bo`lgan ko`ngilsizklar, texnogen vaziyatlar va avariyalarni oldini olish tug`risida amalga oshiriladigan chora-tadbirlar bo`yicha ko`rgazmali tushuntirishlar berildi.

“Sharg`unko`mir” AJ matbuot xizmati