Navbatdagi loyiha joriy yilning 26-iyulь kuni «Sharg`unko`mir» AJ boshlang`ich kasaba uyushma qo`mitasining  tashabbusi bilan boshqaruv apparatida samarali mehnat qilayotgan 55 nafar ishchi‑xodimlar ishtirokida To`palang daryosi yoqasidagi dam olish maskaniga sayohat tashkil etildi.

To`palang daryo Hisor tog` tizmasining janubiy yon bag`ridan boshlanadi. Surxondaryoning eng sersuv o`ng irmog`i. Uzunligi 117 kilometr. Daryo asosan mavsumiy qor va muzliklar suvidan to`yinadi. Eng yuqori oqimi Sariosiyo yoki Qorasuv, so`ngra Talishush deb ataladi. G`ovasoy qo`shilgandan so`ng To`palang nomini oladi. Boshlanish joyidan Zarcho`p qishlog`iga qadar chuqur va tor, ba’zi joyida kamonsimon vodiydan oqadi. Vodiying kengligi 20-30 metrdan 200 metrgacha. Zarcho`p qishlog`idan o`tgandan so`ng daryo vodiysi biroz kengayib, yon bag`irlarida qiyaliklar hosil qiladi. Daryoning bir qancha irmoqlari bor. Vodiysida yong`oqzor, archazor va yaylovlarni uchratasiz. Chiroyli tabiati va salqin ob-havosi bilan sayyohlarni o`ziga jalb etadi.

Daryoning eng yuqori oqimga ega qismida yirik energiya ob’yekti “To`polang” suv ombori barpo etilgan. “To`palang” suv ombori – Surxondaryo viloyati Sariosiyo tumani markazidan qariyb 40 kilometr uzoqlikda joylashgan. Tog`li va daryo hududi bo`lganligi bois iqlimi tuman markazidan keskin farq qiladi.

Jamiyat ishchi va xizmatchi xodimlari chiroyli manzaralarni tomosha qilishib, toza va salqin havoli so`lim tabiat qo`ynida maroqli dam olishdi.

Mansur Danayev

“Sharg`unko`mir” AJ boshlang`ich kasaba uyushma qo`mitasi raisi