Ayol azaldan mehr-shafqat va sadoqat timsoli bo`lib kelgan. Inson, oila, ayol tushunchalarini bir-biridan ajralgan holda tasavvur etib bo`lmaydi. Oilani ham, jamiyatni ham birlashtirib, unga fayzu barokot kiritadigan xonadonlarimizni mehr-muhabbat, nafosat, ezgulik nuri bilan munavvar qiladigan zotlar ham aslida mo`’tabar onalarimiz, munis opa-singillarimizdir. Ulug` donishmandlar Vatanga eng munosib  ta’rif izlaganda, uni Ona siymosiga qiyos etganlarida katta ma’no bor.

8 mart – Xalqaro xotin-qizlar bayrami kuni go`zal va betakror yurtimizga bahor nafasi kirib kelganidan darak beradi. Qutlug` sanada xotin-qizlarga ehtirom ko`rsatish an’anasi yil sayin umumdavlat ahamiyatiga ega bo`lib, yuqori maqom darajasiga ko`tarilmoqda.

Joriy yilning 6 mart kuni «Sharg`unko`mir» AJda 8-mart xotin-qizlar bayrami muosabati bilan bayram tadbiri bo`lib o`tdi.

Tadbirda bosh muhandis Pardayev Mansur Ro`zikulovich, bosh direktor o`rinbosari Shoymatov Jamoliddin Yusupovich, boshlang`ich kasaba uyushma qo`mitasi raisi Danayev Mansur Xamrokulovich va boshqaruv apparatining boshqa xodimlari ishtirok etishdi. Tadbirni Shoymatov Jamoliddin Yusupovich ayollarga ezgu tilaklar bilan ochib, «Sharg`unko`mir» AJ bosh direktorining bayram tabrigini o`qib eshittirdi. Tadbirda shuningdek Danayev Mansur Xamrokulovich va Pardayev Mansur Ruzikulovichlar so`zga chiqib go`zal ayollarni va opa-singillarimizni bahor va nafosat ayyomi bo`lmish bayram bilan tabriklab, ularga uzoq umr, oilaviy baxt-saodat, bahoriy kayfiyat hamroh bo`lishini tilab qoldilar. Shundan so`ng kasaba uyushma qo`mitasi tomonidan olingan esdalik sovg`alarini ayollarga birma bir topshirishdi. Taqdirlashdan so`ng jamiyat mehnat faxriysi Toshkulov Baxodir Xamidovich so`zga chiqib, o`zining ezgu tilaklarini faxriylar nomidan yetkazdi. Tadbir bahoriy kayfiyat va ko`tarinki ruhda o`tdi.

«Sharg`unko`mir» AJ matbuot xizmati