• info@sharguncoal.uz
  • Surxondaryo viloyati, Sariosiyo tumani, Sharofobod MFY Minor ko`chasi, 35 uy
 O’ZBEKISTON RESPUBLIKASI TEMIR YO’L TRANSPORTI XODIMLARI KUNI MUNOSABATI BILAN SPORT MUSOBAQASI O‘TKAZILDI

O’ZBEKISTON RESPUBLIKASI TEMIR YO’L TRANSPORTI XODIMLARI KUNI MUNOSABATI BILAN SPORT MUSOBAQASI O‘TKAZILDI

Har yili avgust oyining birinchi yakshanbasi O‘zbekiston Respublikasi temir yo‘l transporti xodimlari kuni kasb bayrami sifatida nishonlanib kelinmoqda.

Ushbu bayram munosabati bilan “Termiz mintaqaviy temir yo‘l uzeli” filialida 2025 yil 23-iyul kuni O‘zbekiston temiryo‘lchilari va transport quruvchilari kasaba uyushmasi Respublika Kengashi Ijroiya qo‘mitasining 2025 yil 27 iyundagi 8-21 “s”-sonli ““O‘zbekiston Respublikasi temir yo‘l transporti xodimlari kuni” kasb bayramiga bag‘ishlangan sport tadbirini Termiz mintaqaviy temir yo‘l uzeli kasaba uyushma hududiy qo‘mitasiga a’zo korxona va tashkilotlarning ishchi-xodimlari o‘rtasida sportning o‘g‘il bolalar o‘rtasida voleybol va suzish turlarida, xotin-qizlar o‘rtrasida shaxmat va suzish turlaridan musoboqa tashkil etildi.

Musobaqada jami 12 ta korxonadan jamoalar ishtirok etishdi.

Sportning Voleybol turi bo’yicha “Sharg’unko’mir” AJ terma jamoasi barcha raqiblarini yengib, birinchi o’rinni egalladi.

Sportning suzish turi bo’yicha Marketing va sotish bo`limi boshlig`i Ganiyev Adxam Akbaraliyevich birinchi o`rinni egallab g`alab qozondi.

Musobaqa yakunida har bir sport turlari bo‘yicha g‘olib jamoa va ishtirokchilar Uzel rahbariyati va Hududiy kasaba uyushmasi qo‘mitasining maxsus diplomlari va pul mukofotlari topshirildi. – Sportning suzish turi bo`yicha musobaqada birinchi o‘rinni egalladim, – deydi xodimimiz Ganiyev Adxam. – Bu menga munosib bayram sovg‘asi bo‘ldi. Sport bilan muntazam shug‘ullanish konchi xodimlari uchun juda muhim.

Quyida musobaqadan hamda vakillarimizning quvonchli lahzalaridan olingan fotolavhalar bilan tanishishingiz mumkin.

Mansur Danayev

“Sharg`unko`mir” AJ boshlang`ich kasaba uyushma qo`mitasi raisi