Ma’lumki, shu kunlarda davlat organlari va tashkilotlarining korrupsiyaga qarshi ichki nazorat bo`linmalari ishini yangicha tizim asosida tashkil etish yuzasidan belgilangan asosiy vazifalarni samarali amalga oshirish, shuningdek, davlat organlari va tashkilotlarida «halollik vaktsinasi» tamoyili asosida korrupsiyaga murosasiz munosabatni shakllantirish maqsadida bir qator ishlar amalga oshirilmoqda.

Davlatimiz rahbari Shavkat Miromonovich aytganlaridek Oʻzbekiston fuqarolarining barchasida korrupsiyaga nisbatan murosasiz boʻlishi va ushbu illatni avj olib ketmasligi maqsadida davlat korxonalarida korrupsiyaga nisbatan kurashish va uni oldini olishda fuqarolarda huquqiy madaniyatni yuksaltirish zarur.

Joriy yilning 29 avgust kuni “Shargʻunkoʻmir”AJda Korrupsiyaga qarshi kurashishda qonunchilik xujjatlari, korrupsiyaviy xavf-xatarlar va yuzaga kelishi mumkin boʻlgan korrupsiyaviy harakatlarning turlari va ularni oldini olish boʻyicha boshqaruv apparati xodimlari va uchastka boshliqlari ishtirokida oʻquv seminari tashkil etildi.

Seminarda korrupsiyaning turlari, korrupsiyaga qarshi kurashish sohasidagi javobgalikning belgilanganligi, Oʻzbekiston Respublikasi Korrupsiyaga qarshi kurashish sohasidagi xalqaro hamkorligi, qabul qilingan Qonun, farmon va chora-tadbirlar haqida ishtirokchilarga ma’lumot berildi.

ISO-37001 halqaro standartlari asosida jamiyatda olib borilayotgan tizim korrupsiyani oldini olishga qaratilganligi, ma’lumotlarning shaffof va ochiq boʻlishi, moliyaviy hisobdorliklar, ishga qabul qilish jarayonida nomzojlarni tekshirish, kontragentlar bilan hamkorlik qilish tizimi, korrupsiyaga qarshi kurashish Siyosati, a’loqa kanallarining mavjudligi, jamiyatda qabul qilingan ichki me’yoriy hujjatlarga toʻliq toʻxtalib oʻtildi.