Mustaqilligimiz bayrami va Konchilar kuni munosabati bilan korxonamizda qator ma’naviy-ma’rifiy tadbirlar tashkil etildi. Shu munosabat bilan ishchi-xodimlarimiz va ularning oilalari uchun katta bayram dasturi o`tkazilib, 7 nafar farzandning sunnat to`yi ham milliy an’analarga xos tarzda keng nishonlandi.

Bayram juda xush kayfiyat va ko`tarinki ruhda o`tdi. Bolalarning xursandchiligi, ota-onalarning shodligi tadbirga yanada tantanavor ruh bag`ishladi.

Tantanali marosimda mehnatkashlarimiz fidokorona xizmatlari uchun rag`batlantirildi. 1-, 2- va 3-darajali «Konchilik shuhrati» medallari hamda bolalarga velosipedlar «Sharg`unko`mir» AJ bosh direktori M.A. Azizkulov va boshlang`ich kasaba uyushma qo`mitasi raisi M.X. Danayev tomonidan shaxsan topshirildi. Shuningdek, sohaga katta hissa qo`shgan faxriy konchi Ko`charov Sayfullo Habibulovich «Konchilik shuhrati» medalining eng oliy darajasi — 1-darajali medal bilan taqdirlandi.

Bundan tashqari, Termiz MTU kasaba uyushmasi hududiy qo`mitasi raisi K.P. Karimov tomonidan 3 nafar faol xodimga Tashakkurnoma va qimmatbaho sovg`alar taqdim etildi.

Sunnat to`yi bo`lgan bolalarning har biriga esdalik sifatida velosipedlar sovg`a qilinishi ularning shodligini yanada ortiradi. Bayram doirasida madaniy va hordiq chiqarish dasturlari, kontsert va sport tadbirlari ham tashkil etildi. Ishchi-xodimlar va ularning oila a’zolari uchun keng dasturxon yozilib, sog`lom turmush tarzi va oilaviy qadriyatlarni targ`ib etuvchi tadbirlar o`tkazildi. Ushbu bayram tadbirlari yurtimizda mehnatkash insonlarga, xususan, konchilik sohasida xizmat qilayotgan fidoiylarga ko`rsatilayotgan e’tibor va qadr-qimmatning yorqin namunasidir.

Quyida tadbirdan olingan fotolavhalar bilan tanishishingiz mumkin