Bugun O‘zbekiston Prezidenti Shavkat Mirziyoyev o‘zining 68 yoshini nishonlamoqda. Quyida davlat rahbarining tarjimai holidan faktlarni taqdim etamiz.

Shavkat Miromonovich Mirziyoyev 1957 yil 24 iyulda Jizzax viloyati Zomin tumanida tug‘ilgan. 1981 yilda Toshkent irrigatsiya va qishloq xo‘jaligini mexanizatsiyalash muhandislari institutini muhandis-mexanik mutaxassisligi bo‘yicha tamomlagan. Texnika fanlari nomzodi, dosent.

2003-yilda O‘zbekiston Bosh vaziri etib tasdiqlangan. Shavkat Mirziyoyev 2005, 2010, 2015-yillarda tegishli lavozimga tasdiqlangan.

2016-yilda Oliy Majlis Qonunchilik palatasi va Senatining qo‘shma qarori asosida Shavkat Mirziyoyevga O‘zbekiston Prezidentining vazifa va vakolatlari vaqtincha yuklangan edi. 2016-yil dekabrida bo‘lib o‘tgan saylov natijalariga ko‘ra, Shavkat Mirziyoyev 88,61 foiz ovoz olib, O‘zbekiston Prezidenti etib saylandi.

2021-yil avgust oyida O‘zLiDeP partiyasi Shavkat Mirziyoyevni navbatdagi O‘zbekiston Prezidenti saylovida ishtirok etish uchun nomzod sifatida ko‘rsatdi. O’sha yilning oktyabr oyida u 80,12% ovoz olib, yangi besh yillik muddatga qayta saylandi.

Shavkat Mirziyoyev 2023-yil may oyida bo‘lib o‘tadigan navbatdan tashqari O‘zbekiston Prezidentligiga saylovda O‘zLiDeP tomonidan nomzod sifatida ko‘rsatilgan edi. O‘sha yilning iyul oyida bo‘lib o‘tgan navbatdan tashqari prezidentlik saylovlarida u 87,05% ovoz bilan g‘alaba qozondi.