Ma’lumki, Xalqaro mehnat tashkilotining tashabbusi bilan 2003 yildan boshlab 28 aprel “Butunjahon mehnatni muhofaza qilish kuni” deb e’lon qilinib, ushbu kunda ish joylarida sodir bo`layotgan baxtsiz hodisalar va kasb kasalliklariga chalinishning oldini olish hamda mehnat muhofazasi masalalariga e’tiborni yanada kuchaytirishga qaratilgan tadbirlar o`tkaziladi.

Sana munosabati bilan dunyoning 100 dan ortiq davlatlarida dunyo hamjamiyatining ish joylarida sodir bo`layotgan baxtsiz hodisalar va kasb kasalliklariga chalinishlarning oldini olish hamda mehnat muhofazasi masalalariga e’tiborni yanada kuchaytirishga qaratilgan tadbirlar o`tkazilishi tashkillanmoqda. O`tkazilayotgan tadbirlardan ko`zlangan maqsad – jamoat va davlat idoralari e’tiborini ishdagi avariyalar va kasb kasalliklari bilan bog`liq muammolarga, mehnat xavfsizligiga va ishda jarohatlangan yoki halok bo`lgan insonlar taqdiriga qaratishga mo`ljallangan.

Xususan, joriy yilning 30 aprel kuni “28 aprel–Butunjahon mehnatni muhofaza qilish kuni”ga bag`ishlangan “Xodimning mehnat muhofazasi sohasidagi hayoti va sog`ligi ustuvor yo`nalishda” mavzusida Tog`-kon sanoati va geologiya vazirligi huzuridagi Tog`-kon sanoati va geologiya sohasini nazorat qilish inspeksiyasi Janubiy mintaqaviy boshqarmasi bosh mutaxassisi Sh.Q.Xoliqov hamda Surxondaryo viloyati Kambag`allikni qisqartirish va Bandlik bosh boshqarmasi Mehnatni muhofaza qilish bo`yicha davlat texnik inspektori Q.I.Komilovlar bilan birgalikda “Sharg`unko`mir” AJning yuqori texnologik majmuasida joylashgan “Majlislar zalida” 60 nafardan ortiq muhandis texnik va ishchi xodimlar o`rtasida davra suhbati bo`lib o`tdi. Davra suhbatida Mehnat muhofazasi va sanoat xavfsizligi to`g`risidagi qonuni va qonun osti xujjatlari to`g`risida yig`ilish qatnashchilariga tushunchalar berildi, ularning bilim va ko`nikmalari oshirildi, shuningdek yangi tahrirdagi mehnat kodeksi haqida,  unga kiritilgan qo`shimcha va o`zgartirishlar borasida tushunchalar berilib ishtirokchilar tomonidan berilgan savollarga qonun doirasida javoblar qaytarildi.

Quyida tadbirdan olingan ayrim fotolavhalar bilan tanishishingiz mumkin