Ma’lumki, yurtimizda haftaning har juma kuni  «Milliy liboslar kuni» etib belgilangan.

Ushbu kunda barcha tashkilot va korxonalarning xodimlari o`z ish joylariga milliy liboslarda kelishi tavsiya etilmoqda. 

Milliy libos – xalqimiz tarixi, madaniyati va an’analari aks etgan, asrlar osha sayqal topgan boy merosimizdir. Liboslar – har bir xalq tarixi bilan uzviy bog`liq bo`lib, u milliy o`ziga xoslikni aks ettiradi. Liboslar turli etnik belgilari bilan ham ajralib turadi. 

Uzoq tarixni bosib o`tgan, ajdodlarimiz mafkurasi va dunyoqarashi haqida so`zlaydigan milliy liboslarimizni saqlab qolish, targ`ib etish va milliyligimizni unutmaslik maqsadida tashkil etilgan «Milliy liboslar kuni»da korxonamiz xodimlari betakror nafosatga ega bo`lgan  milliy ornamentlardan foydalanishlari mumkin.