Assalomu alaykum, hurmatli hamkasblar va yurtdoshlar!

 Bugun biz davlatimiz kelajagi, xalqimiz farovonligi va jamiyatimizdagi adolat tamoyillariga to‘g‘ridan to‘g‘ri xavf solayotgan eng salbiy illat – korrupsiyaga qarshi kurashish masalasiga e’tibor qaratishimiz lozim. Korrupsiya – shunchaki jinoyat emas, bu – xalqning haqqidan urish, iqtisodiyotni yashirin holatga olib kelish va yoshlarning bilim bilan emas, balki tanish-bilishchilik bilan joylashishiga zamin yaratishdir. Taraqqiyotning eng katta dushmani ham aynan shu ildiz otgan korrupsiyadir. Bugun biz jamiyatimizning eng og‘riqli muammolaridan biri — korrupsiya haqida gaplashish uchun jam bo‘ldik. Korrupsiya — bu oddiy qonunbuzarlik emas. U adolatni yemiruvchi, ishonchni yo‘q qiluvchi, taraqqiyotga to‘siq bo‘luvchi illatdir. U davlat va jamiyat o‘rtasidagi ishonch ko‘prigiga raxna soladi. Korrupsiya bor joyda tenglik bo‘lmaydi. Qonun ustuvorligi susayadi. Iste’dod emas, tanish-bilish ustun keladi. Bu esa yoshlarimizning orzu-umidlarini so‘ndiradi, halol mehnat qilgan insonlarning qalbida adolatga nisbatan shubha uyg‘otadi. Yurtimizda korrupsiyaga qarshi kurashish davlat siyosatining ustuvor yo‘nalishlaridan biriga aylangan. Xususan, Korrupsiyaga qarshi kurashish agentligi tashkil etilgani bu boradagi qat’iy qadamlardan biridir. Shuningdek, Bosh prokuratura va boshqa mutasaddi idoralar tomonidan shaffoflikni ta’minlash, qonun ustuvorligini mustahkamlash borasida tizimli ishlar olib borilmoqda. Lekin , korrupsiyaga qarshi kurash faqat davlat idoralarining vazifasi emas. Bu — butun jamiyatning burchi. Har birimiz o‘z faoliyatimizda halollikni ustuvor qilmasak, poraxo‘rlikka ko‘z yumsak yoki “hamma shunday qiladi” degan befarqlikka berilsak, bu illatga o‘zimiz ham sherik bo‘lib qolamiz. Korrupsiyaga qarshi kurash avvalo qalbimizdan boshlanishi kerak. Farzandlarimizga halol mehnat, pok vijdon, adolat qadriyatlarini singdirishimiz zarur. Maktabda, ish joyida, davlat idoralarida — qayerda bo‘lishimizdan qat’i nazar — qonunga hurmat va halollik tamoyilini hayot tarziga aylantirishimiz shart. Biz qanday jamiyatda yashashni istaymiz? Adolat ustuvor bo‘lgan, imkoniyatlar teng taqsimlangan, qonun hamma uchun bir xil amal qiladigan jamiyatdami? Agar shunday bo‘lsa, korrupsiyaga nisbatan murosasiz bo‘lishimiz kerak. Keling, birgalikda shunday jamiyatni barpo etaylikki, unda lavozim emas, insof ustun bo‘lsin. Tanish-bilish emas, bilim va mehnat qadrlansin. Qo‘rquv emas, ishonch hukm surcin. Korrupsiyaga qarshi kurash — bu faqat huquqiy jarayon emas. Bu — ma’naviy tanlov. Va bu tanlovni biz har kuni, har bir qarorimizda amalga oshiramiz. Keling, halollikni tanlaylik! Keling, adolatni tanlaylik! Keling, korrupsiyaga qarshi birgalikda kurashaylik!

 Hurmat bilan Jamoliddin Yusupovich Shoymatov

Iqtisod va moliya ishlari bo‘yicha bosh direktor o‘rinbosari.