Poytaxtimizdagi ko’rgazma markazida yirik sanoat haftaligi boshlandi: O’zbekiston, Rossiya, Belarus, Qozog’iston, Qirg’iziston, Armaniston, Fransiya, Germaniya, Chexiya va Yaponiyadan 300 dan ortiq sanoat kompaniyasi va biznes delegatsiyalari yagona investitsiya maydonida to’plandi.

Ushbu xalqaro sanoat ko’rgazmasida yurtimizning barcha viloyatlaridan yirik sanoat korxona ishtirok etishmoqda. Surxondaryo viloyati sanoat korxonalari qatorida “Sharg’unko’mir” AJ ham o’z mahsulotlari bilan qatnashmoqda.

Ko’rgazma ishtirokchilari sanoat hamkorligini kengaytirish, sanoatni rivojlantirish uchun yangi imkoniyatlar yaratish va qo’shma ishlab chiqarishlarni tashkil etishga qaratilgan.

Eslatma: Joriy yilning 5-7 aprel kunlari Toshkent shahri “Uzekspomarkaz” AJda “Innoprom” O’zbekistonda yirik sanoat haftaligi” xalqaro ko’rgazmasi bo’lib o’tmoqda.